Шымкент жастар лигасы – 2025

А.Назарбеков атындағы №87 жалпы орта білім беретін мектебінің оқушылары Шымкент қаласы әкімдігінің ұйымдастыруымен өткен “Шымкент жастар лигасы – 2025” проект аясында ерекше табандылық пен жоғары дайындықтың үлгісін көрсетті.

Футбол және үстел теннисі спорт түрлері бойынша өткен тартысты жарыстарда мектебіміздің командасы үздік ойын өрнегін көрсетіп, жүлделі II орын иегері атанды.

Бұл — мектебіміздің біліммен қатар спорт саласындағы жетістіктерінің де биіктей түскенінің айқын дәлелі. Жеңіске деген жігері мен ұжымдық ұйымшылдығын көрсеткен жас спортшыларымызға алғыс білдіре отырып, алар асуларыңыз биік болсын деп тілейміз!