«1 наурыз – Дүниежүзілік Азаматтық қорғаныс күні»

Шымкент қаласы білім басқармасына қарасты №87 жалпы орта білім беретін мектебінде «Жеткіншектің жеті жарғысы» жобасы аясында «1 наурыз – Дүниежүзілік Азаматтық қорғаныс күні» тақырыбында 8 г сыныбы оқушыларымен дөңгелек үстел өткізілді. Іс-шара барысында адам өмірде әр түрлі қауіп-қатерге, төтенше жағдайларға кездесуі мүмкін екендігі айтылды. Адамның өмір сүруге, медициналық қызмет алуға, азаматтық қорғанысқа, қауіпсіздікке, болуы мүмкін қауіп-қатерлер туралы мәлімет алуға, қауіп-қатерлер орын алған жағдайда, оның зардаптарынан және басқа да төтенше жағдайлардан қорғалуға құқысы сөз болды

Мақсаты: Оқушыларға азаматтық қорғаныс туралы жалпы мағлұмат беру. Азаматтық қорғаныстың қазіргі өмірде маныздылығын таныту. Қауіп–қатерлер орын алған жағдайда, оның зардаптарынан, басқа төтенше жағдайлардан қорғану құқығын түсіндіру. Жер сілкінісі, өрт қауіпсіздік ережелері туралы білімдерін қалыптастырып, қауіп төнген және туындаған кезде қауіпсіз мінез-құлық қағидаларын сіңіріп өздерін қорғай білуге машықтандыру.

Сынып жетекшісі: Сұлтанбекова Ұлжан Жұпарбекқызы